ਦਰਦ ਨਾਲ ਰਹਿਣ ਕਰਕੇ ਤੁਹਾਡੇ ਜਜ਼ਬਾਤਾਂ ਅਤੇ ਭਾਵਨਾਵਾਂ ਤੇ ਨਕਾਰਾਤਮਕ ਪ੍ਰਭਾਵ ਪੈਣੇ ਸੁਭਾਵਿਕ ਹਨ। ਇਸਦੇ ਕਾਰਨ "ਕ੍ਰੌਨਿਕ ਪੇਅਨ" ਤੋਂ ਪੀੜਤ ਵਿਅਕਤੀਆਂ ਵਿੱਚ ਉਦਾਸੀ, ਚਿੰਤਾ ਅਤੇ ਡਰ ਵਧਣ ਦੇ ਜ਼ਿਆਦੇ ਆਸਾਰ ਹਨ। ਖਾਸ ਤੌਰ 'ਤੇ:
- ਦਰਦ ਅਤੇ ਦਰਦ ਹੋਣ ਦੇ ਡਰ ਕਾਰਨ ਕਈ ਪੀੜਤ ਕਸਰਤ ਕਰਨ ਅਤੇ ਸਮਾਜਿਕ ਗਤੀਵਿਧੀਆਂ ਵਿੱਚ ਹਿੱਸਾ ਲੈਣ ਤੋਂ ਗੁਰੇਜ਼ ਕਰਦੇ ਹਨ। ਨਤੀਜੇ ਵਜੋਂ ਤੁਹਾਡੇ ਰਿਸ਼ਤੇ ਕਮਜ਼ੋਰ ਹੁੰਦੇ ਹਨ, ਤੁਹਾਡੀ ਕਿਰਿਆਸ਼ੀਲਤਾ ਘਟਦੀ ਹੈ ਅਤੇ ਦਰਦ ਵਿੱਚ ਵਾਧਾ ਹੋ ਸਕਦਾ ਹੈ।
- ·ਲਗਾਤਾਰ ਨਕਾਰਾਤਮਕ ਭਾਵਨਾਵਾਂ ਵਿੱਚ ਰਹਿਣ ਦੇ ਨਾਲ ਉਦਾਸੀ ਦੀਆਂ ਮਾਨਸਿਕ ਬਿਮਾਰੀਆਂ ਵਧਦੀਆਂ ਹਨ।
- ਦਰਦ ਅਤੇ ਉਦਾਸੀ (ਡਿਪਰੈਸ਼ਨ) ਵਿਚਕਾਰ ਡੂੰਗੇ ਪਰ-ਸ-ਪਰ ਸੰਬੰਧ ਹਨ। ਦਰਦ ਡਿਪਰੈਸ਼ਨ ਨੂੰ ਵਧਾ ਸਕਦਾ ਹੈ ਅਤੇ ਡਿਪਰੈਸ਼ਨ ਦਰਦ ਨੂੰ ਵਧਾ ਸਕਦਾ ਹੈ।