ਜਾਣਕਾਰੀ ਸ਼ੀਟਾਂ ਡਾਊਨਲੋਡ ਕਰੋ

ਜਿਹੜਾ ਵਿਅਕਤੀ ਦਰਦ ਨਾਲ ਜੂਝ ਰਿਹਾ ਹੁੰਦਾ ਹੈ ਉਸਦੇ ਦਰਦ ਦੀ ਪੀੜਾ ਵਧਦੀ-ਘਟਦੀ ਰਹਿੰਦੀ ਹੈ। ਜਦੋਂ ਅਸੀਂ ਜ਼ਿਆਦਾ ਦਰਦ ਦੇ ਦੌਰ ਵਿੱਚੋਂ ਲੰਘਦੇ ਹਾਂ ਤਾਂ ਇਸ ਸਮੇਂ ਨੂੰ "ਫਲੇਰ ਅੱਪ" ਕਿਹਾ ਜਾਂਦਾ ਹੈ। ਇਹ ਹਰ ਇੱਕ ਵਾਰੀ ਸਪੱਸ਼ਟ ਨਹੀਂ ਹੁੰਦਾ ਕਿ ਭਿਆਨਕ ਦਰਦ ਹੋਣ ਦਾ ਕਾਰਨ ਕੀ ਹੈ ਕਿਉਂਕਿ ਇਸਦੇ ਕਈ ਕਾਰਨ ਹੋ ਸਕਦੇ ਹਨ। ਕਈ ਵਾਰ ਤੁਸੀਂ ਉਹਨਾਂ ਕਾਰਣਾਂ ਨੂੰ ਰੋਕ ਸਕਦੇ ਹੋ ਪਰ ਕਈ ਵਾਰ ਰੋਕਣ ਦਾ ਕੋਈ ਚਾਰਾ ਨਹੀਂ ਹੁੰਦਾ।

ਸਾਡੀ ਆਪਣੇ ਆਪ ਬਾਰੇ ਸਮਝ ਅਤੇ ਰਾਏ ਇਸ ਗੱਲ 'ਤੇ ਵੱਡਾ ਪ੍ਰਭਾਵ ਪਾਉਂਦੀ ਹੈ ਕਿ ਸਾਡਾ ਦੁਨੀਆਂ ਅਤੇ ਦੂਸਰੇ ਲੋਕਾਂ ਨੂੰ ਦੇਖਣ ਦਾ ਨਜ਼ਰੀਆ ਕਿਹੋ ਜਿਹਾ ਹੈ। ਅਸੀਂ ਅਕਸਰ ਆਪਣੇ ਆਪ ਦੇ ਸਭ ਤੋਂ ਤਕੜੇ ਆਲੋਚਕ ਹੁੰਦੇ ਹਾਂ ਅਤੇ ਲਗਾਤਾਰ ਹੱਠ ਕਰਕੇ ਸਕਾਰਾਤਮਕ ਖਿਆਲਾਂ ਵੱਲ ਧਿਆਨ ਦੇਣ ਨਾਲ ਕਾਫੀ ਲੋਕ ਹੰਭ ਜਾਂਦੇ ਹਨ। ਇਸ ਦੀ ਬਜਾਏ ਜਦੋਂ ਅਸੀਂ ਨਕਾਰਾਤਮਕ ਵਿਚਾਰਾਂ ਨੂੰ ਸੁਧਾਰਨ 'ਤੇ ਜ਼ੋਰ ਦਿੰਦੇ ਹਾਂ ਤਾਂ ਉਨ੍ਹਾਂ ਨੂੰ ਧੱਕੇ ਨਾਲ ਸਕਾਰਾਤਮਕ ਵਿਚਾਰ ਬਨਾਉਣ ਦੀ ਬਜਾਏ ਨਿਰਪੱਖ ਤਰੀਕੇ ਨਾਲ ਸਮਝਣ 'ਤੇ ਵੀ ਵਿਚਾਰ ਕਰ ਸਕਦੇ ਹਾਂ।

ਅਸੀਂ ਜਿਹੜੀ ਖੁਰਾਕ ਖਾਂਦੇ ਹਾਂ ਉਹ ਸਾਡੀ ਸਿਹਤ ਅਤੇ ਤੰਦਰੁਸਤੀ ਦਾ ਇੱਕ ਅਹਿਮ ਹਿੱਸਾ ਹੈ। ਹਾਲਾਂਕਿ ਇੱਥੇ ਬਹੁਤ ਸਾਰੀਆਂ ਨਿਰਣਾਇਕ ਖੋਜਾਂ ਨਹੀਂ ਹਨ ਜੋ ਇਹ ਦੱਸਦੀਆਂ ਹਨ ਕਿ ਦਰਦ ਦੇ ਨਾਲ ਜਿਉਣ ਵਾਲੇ ਲੋਕਾਂ ਨੂੰ ਦਰਦ ਦੇ ਨਿਪਟਾਰੇ ਲਈ ਕੀ ਖਾਣਾ ਚਾਹੀਦਾ ਹੈ ਜਾਂ ਕੀ ਨਹੀਂ ਖਾਣਾ ਚਾਹੀਦਾ ਹੈ। ਦਰਦ ਨੂੰ ਘਟਾਉਣ ਲਈ ਅਜਿਹਾ ਕੋਈ ਪਦਾਰਥ ਨਹੀਂ ਹੈ ਜਿਸ ਵਿੱਚ 'ਕਿਓਰ ਆਲ’ (“cure all”) ਸ਼ਾਮਿਲ ਹੋਵੇ ਜਿਸਦਾ ਮਤਲਬ ਇਹ ਹੈ ਕਿ ਪੌਸ਼ਟਿਕ ਖੁਰਾਕ ਖਾਣ ਨਾਲ ਚੰਗੇ ਪ੍ਰਭਾਵ ਸਾਡੇ ਵਿਅਕਤੀਗਤ ‘ਤੇ ਨਿਰਭਰ ਹੁੰਦੇ ਹਨ ਭਾਵ ਸਾਡੇ ਸਰੀਰ ਦੀ ਸਿਹਤਯਾਬੀ ਲਈ ਢੁਕਵੀਂ ਖੁਰਾਕ ਦੀ ਨਿਸ਼ਾਨਦੇਹੀ ਕਰਨ ਲਈ ਵੱਖੋ-ਵੱਖਰੇ ਤਜਰਬੇ ਕਰਨ ਲਈ ਕੁੱਝ ਸਮਾਂ ਲੱਗ ਸਕਦਾ ਹੈ।

ਦਰਦ ਨਾਲ ਜੂਝ ਰਹੇ ਵਿਅਕਤੀ ਦਾ ਸਹਿਯੋਗ ਦੇਣ ਲਈ ਤਾਕਤ, ਧੀਰਜ ਅਤੇ ਊਰਜਾ ਦੀ ਲੋੜ ਹੁੰਦੀ ਹੈ। ਇਹ ਕਰਨਾ ਬਹੁਤ ਔਖਾ ਲਗਦਾ ਹੈ ਕਿਉਂਕਿ ਇਹ ਕਰਨਾ ਸਚਮੁਚ ਔਖਾ ਕੰਮ ਹੀ ਹੈ। ਤੁਹਾਡਾ ਰਿਸ਼ਤਾ ਤਣਾਅਪੂਰਵਕ ਬਣ ਸਕਦਾ ਹੈ। ਹੋ ਸਕਦਾ ਹੈ ਕਿ ਤੁਹਾਨੂੰ ਪਤਾ ਹੀ ਨਾ ਹੋਵੇ ਕਿ ਉਹ ਤੁਹਾਡੇ ਤੋਂ ਕੀ ਉਮੀਦ ਕਰਦੇ ਹਨ, ਅਤੇ ਇਸ ਲਈ ਤੁਹਾਨੂੰ ਨਿਰਾਸ਼ ਵੀ ਹੋਣਾ ਪੈ ਸਕਦਾ ਹੈ। ਤੁਸੀਂ ਰਸਮੀ ਅਤੇ ਗੈਰ-ਰਸਮੀ ਸਹਿਯੋਗ ਦੀ ਕਮੀ ਹੋਣ ਕਰਕੇ ਨਿਰਾਸ਼ ਮਹਿਸੂਸ ਕਰ ਸਕਦੇ ਹੋ ਅਤੇ ਡਰ ਹੋ ਸਕਦਾ ਹੈ ਕਿ ਕੰਮ ਬਹੁਤ ਜਿਆਦਾ ਹੋ ਸਕਦਾ ਹੈ। ਹਾਲਾਂਕਿ ਤੁਸੀਂ ਇਕੱਲੇ ਨਹੀਂ ਹੋ। ਹੇਠਲੀਆਂ ਹਦਾਇਤਾਂ ਅਤੇ ਰਣਨੀਤੀਆਂ ਤੁਹਾਡੀ ਮਦਦ ਕਰ ਸਕਦੀਆਂ ਹਨ।

ਫਿਜ਼ੀਓਥੈਰੇਪਿਸਟ ਗੰਭੀਰ ਦਰਦ ਨਾਲ ਜੀਅ ਰਹੇ ਲੋਕਾਂ ਦੇ ਰਹਿਣ-ਸਹਿਣ ਦੇ ਮਿਆਰ ਨੂੰ ਉੱਚਾ ਚੁੱਕਣ ਅਤੇ ਸਰੀਰਿਕ ਹਿੱਲਜੁਲ ਨੂੰ ਹੋਰ ਸੁਖਾਲਾ ਕਰਨ ਅਤੇ ਉਹਨਾਂ ਦੀ ਸਮੁੱਚੀ ਸਿਹਤਯਾਬੀ ਵਿੱਚ ਸਹਾਇਤਾ ਕਰ ਸਕਦੇ ਹਨ। ਫਿਜ਼ੀਓਥੈਰੇਪਿਸਟ ਇੱਕ ਸਿਹਤ ਸੰਭਾਲ ਮਾਹਿਰ ਹੈ ਜੋ ਸਰੀਰ ਦੇ ਗਿਆਨ ਨਾਲ ਕੰਮ ਕਰਦਾ ਹੈ। ਸਰੀਰ ਦੀ ਕਿਰਿਆਸ਼ੀਲਤਾ ਅਤੇ ਹਿੱਲਜੁਲ ਦਾ ਜਾਇਜ਼ਾ ਲੈਣ ਦੇ ਨਾਲ ਦਰਦ ਦੇ ਇਲਾਜ਼ ਲਈ ਕੰਮ ਕਰ ਸਕਦਾ ਹੈ। ਫਿਜ਼ੀਓਥੈਰੇਪਿਸਟਾਂ ਬਾਰੇ ਵਧੇਰੇ ਜਾਣਕਾਰੀ ਲਈ, ਇਸ ਵੈੱਬਸਾਈਟ 'ਤੇ ਦੇਖੋ: https://www.healthlinkbc.ca/health-topics/physiotherapy

ਚਿੰਤਾ ਜਾਂ ਉਦਾਸੀ ਦਰਦ ਦੀ ਤੀਬਰਤਾ ਵਿੱਚ ਯੋਗਦਾਨ ਪਾ ਸਕਦੀ ਹੈ ਅਤੇ, ਉਸੇ ਸਮੇਂ, ਚਿੰਤਾ ਅਤੇ ਉਦਾਸੀ ਦੇ ਐਪੀਸੋਡ ਲਗਾਤਾਰ ਦਰਦ ਦੁਆਰਾ ਸ਼ੁਰੂ ਕੀਤੇ ਜਾ ਸਕਦੇ ਹਨ। ਜਦੋਂ ਕਿ ਕੁਝ ਦਵਾਈਆਂ ਚਿੰਤਾ ਅਤੇ ਉਦਾਸੀ ਵਿੱਚ ਮਦਦ ਕਰ ਸਕਦੀਆਂ ਹਨ, ਬਹੁਤ ਸਾਰੇ ਦਰਦ ਪ੍ਰਬੰਧਨ ਇਲਾਜ ਜਿਵੇਂ ਕਿ ਦਿਮਾਗੀ-ਸਰੀਰ ਦੇ ਇਲਾਜ, ਪੋਸ਼ਣ ਅਤੇ ਕਸਰਤ ਡਿਪਰੈਸ਼ਨ ਅਤੇ ਚਿੰਤਾ ਦੇ ਪ੍ਰਬੰਧਨ ਵਿੱਚ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾ ਸਕਦੇ ਹਨ।

ਗੰਭੀਰ ਦਰਦ ਨਾਲ ਨਜਿੱਠਣਾ ਆਮ ਅਤੇ ਸੁਖਾਲੇ ਮਾਹੌਲ ਵਿੱਚ ਵੀ ਮੁਸ਼ਕਿਲ ਕੰਮ ਹੋ ਸਕਦਾ ਹੈ। ਛੁੱਟੀਆਂ ਜਾਂ ਕਿਸੇ ਜਸ਼ਨ ਵਿੱਚ ਸ਼ਿਰਕਤ ਕਰਨ ਲੱਗਿਆਂ ਆਪਣੀਆਂ ਸੀਮਾਵਾਂ ਨਿਰਧਾਰਤ ਕਰਨੀਆਂ ਹੋਰ ਵੀ ਮਹੱਤਵਪੂਰਨ ਹੁੰਦੀਆਂ ਹਨ ਕਿਉਂਕਿ ਇਸੇ ਹੀ ਤਰ੍ਹਾਂ ਆਪਾਂ ਆਵਦਾ ਖਿਆਲ ਰੱਖ ਸਕਾਂਗੇ। ਗੰਭੀਰ ਦਰਦ ਨਾਲ ਜਿਉਣ ਕਰਕੇ ਹੋਰ ਸੰਭਵ ਹੈ ਕਿ ਤੁਹਾਨੂੰ ਆਪਣੀਆਂ ਪਰੰਪਰਾਵਾਂ ਅਤੇ ਭਾਈਚਾਰੇ ਵਿੱਚ ਨਿਭਾਈਆਂ ਜਾਣ ਵਾਲੀਆਂ ਭੂਮਿਕਾਵਾਂ ਵਿੱਚ ਕੁੱਝ ਬਦਲ ਲਿਆਉਣੇ ਪੈ ਜਾਣ। ਇਸੇ ਤਰਜ਼ ਤੇ ਜੇ ਤੁਸੀਂ ਛੁੱਟੀਆਂ ਦੌਰਾਨ ਆਪਣੇ ਭਾਈਚਾਰੇ ਨਾਲ ਕਾਫ਼ੀ ਸਮਾਂ ਬਿਤਾਉਂਦੇ ਹੋ, ਤਾਂ ਉਹਨਾਂ ਨਾਲ ਆਪਣੀਆਂ ਸੀਮਾਵਾਂ ਬਾਰੇ ਖੁੱਲ ਕੇ ਅਤੇ ਸਪੱਸ਼ਟ ਤੌਰ ਤੇ ਦੱਸੋ।

ਦਰਦ ਨਾਲ ਰਹਿਣ ਕਰਕੇ ਤੁਹਾਡੇ ਜਜ਼ਬਾਤਾਂ ਅਤੇ ਭਾਵਨਾਵਾਂ ਤੇ ਨਕਾਰਾਤਮਕ ਪ੍ਰਭਾਵ ਪੈਣੇ ਸੁਭਾਵਿਕ ਹਨ। ਇਸਦੇ ਕਾਰਨ "ਕ੍ਰੌਨਿਕ ਪੇਅਨ" ਤੋਂ ਪੀੜਤ ਵਿਅਕਤੀਆਂ ਵਿੱਚ ਉਦਾਸੀ, ਚਿੰਤਾ ਅਤੇ ਡਰ ਵਧਣ ਦੇ ਜ਼ਿਆਦੇ ਆਸਾਰ ਹਨ। ਖਾਸ ਤੌਰ 'ਤੇ:

• ਦਰਦ ਅਤੇ ਦਰਦ ਹੋਣ ਦੇ ਡਰ ਕਾਰਨ ਕਈ ਪੀੜਤ ਕਸਰਤ ਕਰਨ ਅਤੇ ਸਮਾਜਿਕ ਗਤੀਵਿਧੀਆਂ ਵਿੱਚ ਹਿੱਸਾ ਲੈਣ ਤੋਂ ਗੁਰੇਜ਼ ਕਰਦੇ ਹਨ। ਨਤੀਜੇ ਵਜੋਂ ਤੁਹਾਡੇ ਰਿਸ਼ਤੇ ਕਮਜ਼ੋਰ ਹੁੰਦੇ ਹਨ, ਤੁਹਾਡੀ ਕਿਰਿਆਸ਼ੀਲਤਾ ਘਟਦੀ ਹੈ ਅਤੇ ਦਰਦ ਵਿੱਚ ਵਾਧਾ ਹੋ ਸਕਦਾ ਹੈ।
• ·ਲਗਾਤਾਰ ਨਕਾਰਾਤਮਕ ਭਾਵਨਾਵਾਂ ਵਿੱਚ ਰਹਿਣ ਦੇ ਨਾਲ ਉਦਾਸੀ ਦੀਆਂ ਮਾਨਸਿਕ ਬਿਮਾਰੀਆਂ ਵਧਦੀਆਂ ਹਨ।
• ਦਰਦ ਅਤੇ ਉਦਾਸੀ (ਡਿਪਰੈਸ਼ਨ) ਵਿਚਕਾਰ ਡੂੰਗੇ ਪਰ-ਸ-ਪਰ ਸੰਬੰਧ ਹਨ। ਦਰਦ ਡਿਪਰੈਸ਼ਨ ਨੂੰ ਵਧਾ ਸਕਦਾ ਹੈ ਅਤੇ ਡਿਪਰੈਸ਼ਨ ਦਰਦ ਨੂੰ ਵਧਾ ਸਕਦਾ ਹੈ।

ਗੰਭੀਰ ਦਰਦ ਤੁਹਾਡੇ ਲਈ ਨਾ ਸਹਿਣ ਯੋਗ ਦਰਦ ਵੀ ਹੋ ਸਕਦਾ ਹੈ। ਜਦੋਂ ਤੁਸੀਂ ਦਰਦ ਮਹਿਸੂਸ ਕਰਦੇ ਹੋ ਤਾਂ ਕਿਸੇ ਹੋਰ ਦੀ ਦੇਖਭਾਲ ਕਰਨ ਵਿੱਚ ਇਸਦੀਆਂ ਬਹੁਤ ਸਾਰੀਆਂ ਚੁਣੌਤੀਆਂ ਹਨ। ਇਨ੍ਹਾਂ ਚੁਣੌਤੀਆਂ ਵਿੱਚ: ਥਕਾਵਟ, ਆਵਦੀਆਂ ਡਾਕਟਰੀ ਮੁਲਾਕਾਤਾਂ ਅਤੇ ਇਲਾਜ ਦਾ ਖਿਆਲ ਰੱਖਣਾ, ਸਰੀਰਕ ਸੀਮਾਵਾਂ, ਦੂਜੇ ਵਿਅਕਤੀ ਲਈ ਵੀ ਗੁੰਜਾਇਸ਼ ਰੱਖਣੀ, ਅਤੇ ਮਾਨਸਿਕ ਤਣਾਅ ਸਾਰੇ ਸ਼ਾਮਲ ਹਨ। ਦਰਦ ਨਾਲ ਜੂਝ ਰਹੇ ਦੇਖਭਾਲ ਕਰਨ ਵਾਲਿਆਂ ਨੂੰ ਉਹਨਾਂ ਆਸਾਂ ਖਰੇ ਉੱਤਰਨਾ ਵੀ ਮੁਸ਼ਕਿਲ ਹੋ ਸਕਦਾ ਹੈ ਜੋ ਉਹਨਾਂ ਦੇ ਚਹੇਤਿਆਂ ਨੇ ਉਹਨਾਂ ਤੋਂ ਰੱਖੀਆਂ ਹੋਈਆਂ ਹਨ।

ਗੰਭੀਰ ਦਰਦ ਦੇ ਨਾਲ ਜਿਉਣਾ ਬਹੁਤ ਔਖਾ ਹੈ। ਇਹ ਵੀ ਹੋ ਸਕਦਾ ਹੈ ਕਿ ਸ਼ਾਇਦ ਤੁਹਾਨੂੰ ਇਸ ਬਾਰੇ ਨਾ ਪਤਾ ਹੋਵੇ ਕਿ ਮਦਦ ਲਈ ਕਿੱਥੇ ਜਾਂ ਕਿਸ ਕੋਲ ਜਾਣਾ ਹੈ। ਦਰਦ ਦੇ ਨਾਲ ਜਿਉਣ ਕਾਰਨ ਤੁਹਾਡੇ ਤੇ ਹੋਣ ਵਾਲੇ ਸਰੀਰਕ, ਮਨੋਵਿਗਿਆਨਕ, ਅਤੇ ਵਿੱਤੀ ਹਾਲਾਤਾਂ ਦੇ ਪ੍ਰਭਾਵਾਂ ਨੂੰ ਵੀ ਮਹਿਸੂਸ ਕਰ ਸਕਦੇ ਹੋ। ਇਸ ਨਾਲ ਸਕੂਲ ਜਾਣਾ, ਰਿਸ਼ਤੇ ਕਾਇਮ ਰੱਖਣੇ ਜਾਂ ਸਮਾਜਿਕ ਸਰਗਰਮੀਆਂ ਵਿੱਚ ਹਿੱਸਾ ਲੈਣਾ ਵੀ ਮੁਸ਼ਕਲ ਹੋ ਸਕਦਾ ਹੈ। ਤੁਹਾਨੂੰ ਇਕਾਗਰਤਾ, ਨੀਂਦ, ਅਤੇ ਥਕਾਵਟ ਨਾਲ ਵੀ ਜਦੋ-ਜਹਿਦ ਕਰਨੀ ਪੈ ਸਕਦੀ ਹੈ।

ਜੇ ਗੰਭੀਰ ਦਰਦ ਕਰਕੇ ਤੁਸੀਂ ਕੰਮ ਕਰਨ ਦੇ ਕਾਬਿਲ ਨਹੀਂ ਰਹੇ ਤਾਂ ਤੁਸੀਂ ਸਰਕਾਰੀ ਆਮਦਨੀ ਸਹਾਇਤਾ ਲਈ ਦਰਖਾਸਤ ਦੇ ਸਕਦੇ ਹੋ।

ਗੰ ਭੀ ਰ ਦਰਦ ਨਾਲ ਜੂਝ ਰਹੇ ਲੋਕਾਂ ਲਈ ਐਂਗਜ਼ਾਇਟੀ (ਭਾਵ ਤੀਬਰ ਚਿੰਤਾ/ਬੇਚੈਨੀ) ਅਤੇ ਡਿਪ੍ਰੈਸ਼ਨ (ਭਾਵ ਗੰ ਭੀਰ ਉਦਾਸੀ/ਬੇਦੀ) ਤੋ ਪੀੜਤ ਹੋਣਾ ਆਮ ਗੱਲ ਹੈ। ਜਦੋਂ ਅਸੀਂ ਦਰਦ ਦੇ ਨਾਲ ਜੀ ਰਹੇ ਹਾਂ ਤਾਂ ਸਾਡੇ ਮਨ ਵਿੱਚ ਨਕਾਰਾਤਮਕ ਵਿਚਾਰ ਭਰਦੇ ਹਨ ਅਤੇ ਇਹ ਚਿੰਤਾ ਹੁੰਦੀ ਹੈ ਕਿ ਦਰਦ ਕਿੰਨਾ ਚਿਰ ਰਹੇਗਾ ਜਾਂ ਇਹ ਕਿੰਨਾ ਭਿਆਨਕ ਹੋਵੇਗਾ। ਰੋਜ਼ਮਰਾ ਦੀ ਜ਼ਿੰਦਗੀ ਵਿੱਚ ਇਸ ਔਕੜ ਕਰਕੇ ਉਦਾਸੀ ਅਤੇ ਗੁੱਸਾ ਮਹਸੂਸ ਕਰਨਾ ਸਵਭਾਵਿਕ ਹੈ ਕਿ "ਕੰਮ ਪੇਇਨ" ਕਾਰਨ ਤੁਹਾਡੀ ਜ਼ਿੰਦਗੀ ਪੂਰੀ ਤਰ੍ਹਾਂ ਬਦਲ ਜਾ ਜਾਂਦੀ ਹੈ। ਦੋਸਤਾਂ ਅਤੇ ਪਰਿਵਾਰ ਦੇ ਸਹਾਰੇ ਅਤੇ ਕਈ ਤਰੀਕਿਆਂ ਦੀ ਵਰਤੋਂ ਕਰਨ ਨਾਲ ਜਾਂ ਸਥਾਨਕ "ਸਪੋਟ ਗਰੁਪ" ਵਿੱਚ ਸ਼ਾਮਲ ਹੋਣ ਨਾਲ ਤੁਹਾਨੂੰ ਦਰਦ ਦਾ ਮੁਕਾਬਲਾ ਕਰਨ ਦੇ ਤੌਰ-ਤਰੀਕਿਆਂ ਦੀ ਸਮਝ ਵਧ ਸਕਦੀ ਹੈ। ਕਈ ਵਾਰ ਕਿਸੇ ਹੋਰ ਵਿਅਕਤੀ ਤੋਂ ਸੁਝਾਅ ਅਤੇ ਸਹਾਇਤਾ ਲਾਹੇਵੰਦ ਹੋ ਸਕਦੀ ਹੈ। ਇਹ ਖਾਸ ਤੌਰ 'ਤੇ ਸੱਚ ਹੁੰਦਾ ਹੈ ਜਦੋਂ ਸਾਡੀ ਮਾਨਸਿਕ ਸਿਹਤ ਸਾਨੂੰ ਪਰੇਸ਼ਾਨੀ ਦਿੰਦੀ ਹੈ ਜਾਂ ਜ਼ਿੰਦਗੀ ਦੇ ਕੁਝ ਖੇਤਰਾਂ ਵਿੱਚ ਰੁਕਾਵਟ ਬਣਦੀ ਹੈ। ਜਦੋਂ ਆਪਣੇ ਵਿਚਾਰਾਂ ਅਤੇ ਭਾਵਨਾਵਾਂ ਵਿੱਚ 'ਫਸੇ ਹੋਏ' ਮਹਸੂਸ ਕਰਦੇ ਹੋ ਤਾਂ ਜ਼ਿੰਦਗੀ ਦੀਆਂ ਹੋਰ ਲੋੜਾਂ ਨੂੰ ਮੁੱਖ ਕਰਨ ਵਿੱਚ ਮੁਸ਼ਕਲ ਬਣ ਜਾਂਦੀ ਹੈ। ਇਸ ਵੇਲੇ ਕਸਲਰ ਨਾਲ ਗੱਲ ਕਰਨ ਨਾਲ ਦਰਦ ਨਾਲ ਨਿਜੱਠਣ ਦੇ ਨਾਲ ਆਪਣੀ ਮਾਨਸਿਕ ਸਿਹਤ ਦਾ ਵੀ ਧਿਆਨ ਰੱਖਿਆ ਜਾ ਸਕਦਾ ਹੈ|

ਸੰਭੋਗ ਅਤੇ ਸਰੀਰਕ ਨੇੜਤਾ ਆਮ ਹਲਾਤਾਂ ਵਿੱਚ ਖੁਸ਼ੀ ਅਤੇ ਅਨੰਦ ਦਾ ਇੱਕ ਜ਼ਰੀਆ ਹੋ ਸਕਦੇ ਹਨ। ਇਸ ਦੇ ਬਾਵਜੂਦ ਜੇਕਰ ਇੱਕ ਸਾਥੀ ਨੂੰ ਦੂਜੇ ਦੇ ਦਰਦ ਦਾ ਫਿਕਰ ਹੋਇਆ ਤਾਂ ਸੰਭੋਗ ਕਰਨ ਵਿੱਚ ਦਿੱਕਤ ਵੀ ਆ ਸਕਦੀ ਹੈ। ਗੰਭੀਰ ਦਰਦ ਕਾਰਨ ਸੰਭੋਗ ਕਰਨ ਵੇਲੇ ਮੁਸ਼ਕਿਲ ਅਤੇ ਘਬਰਾਹਟ ਵਰਗੇ ਹਾਲਾਤ ਵੀ ਪੈਦਾ ਹੋ ਸਕਦੇ ਹਨ ਜੋ ਕਿ ਭਿਆਨਕ ਦਰਦ (ਫਲੇਰ ਅੱਪ) ਦਾ ਕਾਰਨ ਬਣ ਸਕਦੇ ਹਨ। ਗੰਭੀਰ ਦਰਦ ਨਾਲ ਜੂਝਣ ਕਰਕੇ ਜਾਂ ਇਸਦੇ ਨਾਲ ਮਿਲਦੇ-ਜੁਲਦੇ ਕਾਰਨਾਂ ਕਰਕੇ ਜਿਵੇਂ ਕਿ ਤਬੀਅਤ ਠੀਕ ਨਾ ਹੋਣਾ, ਸੰਭੋਗ ਕਰਨ ਦੀ ਇੱਛਾ ਵਿੱਚ ਘਾਟਾ, ਜਾਂ ਫ਼ਿਰ ਦਵਾਈਆਂ ਦੇ ਮਾੜੇ ਪ੍ਰਭਾਵਾਂ ਦੇ ਕਾਰਣ ਤੁਹਾਨੂੰ ਸੰਭੋਗ ਕਰਨ ਵਿੱਚ ਹੋਰ ਪਰੇਸ਼ਾਨੀ ਵੀ ਹੋ ਸਕਦੀ ਹੈ। ਹਾਲਾਂਕਿ ਸੰਭੋਗ ਕਰਨ ਰਾਹੀਂ ਨਜ਼ਾਰੇ ਅਤੇ ਨੇੜਤਾ ਤੋਂ ਤੁਹਾਡੇ ਸਰੀਰ ਅੰਦਰ ਅਨੰਦਮਈ ਰਸਾਇਣ ਪੈਦਾ ਹੁੰਦੇ ਹਨ ਜੋ ਤੁਹਾਡੇ ਦਰਦ ਨਿਵਾਰਣ ਲਈ ਵੀ ਮਦਦਗਾਰ ਹੋ ਸਕਦੇ ਹਨ।

ਵੱਖ-ਵੱਖ ਦਵਾਈਆਂ ਨੂੰ ਵਰਤਣ ਸਮੇਂ ਸਾਰੀਆਂ ਦਵਾਈਆਂ ਦੀ ਤਰਤੀਬਵਾਰ ਵਰਤੋਂ ਕਰਨੀ ਕਠਿਨ ਕੰਮ ਲੱਗ ਸਕਦਾ ਹੈ। ਇਹ ਸਮਝਣਾ ਅਤੇ ਹਰ ਵੇਲੇ ਯਾਦ ਰੱਖਣਾ ਔਖਾ ਹੋ ਸਕਦਾ ਹੈ ਕਿ ਕਿਹੜੀ ਦਵਾਈ ਕਦੋਂ ਅਤੇ ਕਿਵੇਂ ਲੈਣੀ ਹੈ, ਅਤੇ ਉਹਨਾਂ ਦੇ ਮਾੜੇ ਪ੍ਰਭਾਵ ਕੀ-ਕੀ ਹੋ ਸਕਦੇ ਹਨ। ਤੁਹਾਡੇ ਲਈ ਹੇਠ ਕੁੱਝ ਜਾਣਕਾਰੀ ਹੈ ਜਿਸ ਨਾਲ ਤੁਹਾਨੂੰ ਆਪਣੀਆਂ ਦਵਾਈਆਂ ਨੂੰ ਸਮਝਣ ਲਈ ਅਤੇ ਉਹਨਾਂ ਦੀ ਸੁਚੱਜੀ ਵਰਤੋਂ ਕਰਨ ਲਈ ਮਦਦ ਮਿਲ ਸਕਦੀ ਹੈ।

ਕੰਮ ਪੇਇਨ (ਅਰਥਾਤ ਗੰਭੀਰ ਦਾਦ) ਨਾਲ ਜੀਵਨ ਯਾਪਨ ਕਰਕੇ ਕਈ ਵਾਰ ਅਰਾਮਦਾਇਕ ਨੀਂਦ ਲੈਣਾ ਵੀ ਮੁਸ਼ਕਲ ਹੋ ਸਕਦਾ ਹੈ। ਦਰਦ ਕਰਕੇ ਸੌਣਾ ਵੀ ਮੁਸ਼ਕਲ ਹੋ ਸਕਦਾ ਹੈ ਅਤੇ ਜਦੋਂ ਨੀਂਦ ਆ ਵੀ ਜਾਂਦੀ ਹੈ ਤਾਂ ਰਾਤ ਦੌਰਾਨ ਵਾਰ-ਵਾਰ ਜਾਗਣ ਦੀ ਸੰਭਾਵਨਾ ਵੀ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ, ਕਈਆਂ ਨੂੰ ਨੀਂਦ ਆਉਣ ਦੇ ਬਾਵਜੂਦ ਉਸ ਨੀਂਦ ਦੀ ਗੁਣਵੱਤਾ ਕਮ ਹੋ ਸਕਦੀ ਹੈ, ਜਿਸ ਕਰਕੇ ਸੌਣ ਦੇ ਬਾਵਜੂਦ ਥਕਾਵਟ ਮਹਸੂਸ ਹੋ ਸਕਦੀ ਹੈ। ਦਰਦ ਅਤੇ ਨੀਂਦ ਆਪਸ ਵਿੱਚ ਇੱਕ ਵਿਲੱਖਣ ਤਰੀਕੇ ਨਾਲ ਜੁੜੇ ਹੋਏ ਹਨ। ਇਸ ਕਰਕੇ ਆਪਣੀ ਨੀਂਦ ਦੀ ਗੁਣਵੱਤਾ ਨੂੰ ਸੁਧਾਰ ਕੇ ਤੁਸੀਂ ਆਪਣੇ ਦਰਦ ਨੂੰ ਘਟਾਉਣ ਵਿੱਚ ਸਫਲ ਹੋ ਸਕਦੇ ਹੋ।

ਗੰਭੀਰ ਦਰਦ ਨਾਲ ਜਿਉਣ ਕਾਰਨ ਤੁਹਾਡੀ ਨੌਕਰੀ ਕਰਨ ਦੀ ਸਮਰੱਥਾ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ ਜਾਂ ਦਰਦ ਤੋਂ ਪਹਿਲਾਂ ਤੁਹਾਡੇ ਚੱਲ ਰਹੇ ਰੁਜ਼ਗਾਰ ਵਿੱਚ ਰੁਕਾਵਟ ਪੈਦਾ ਕਰ ਸਕਦਾ ਹੈ। ਜੇ ਦਰਦ ਤੋਂ ਪੀੜ੍ਹਤ ਹੋਣ ਤੋਂ ਬਾਅਦ ਨੌਕਰੀ ਵਿੱਚ ਕੋਈ ਸਿਫਤੀ ਤਬਦੀਲੀ ਨਹੀਂ ਆਉਂਦੀ ਤਾਂ ਹੋ ਸਕਦਾ ਹੈ ਕਿ ਤੁਹਾਨੂੰ ਕੰਮ ਕਾਜ ਕਰਨ ਦੇ ਤਰੀਕਿਆਂ ਵਿੱਚ ਕੁਝ ਬਦਲਾਅ ਕਰਨ ਦੀ ਲੋੜ ਹੋਵੇ। ਜੇ ਤੁਸੀਂ ਪਹਿਲਾਂ ਚੱਲ ਰਹੇ ਕੰਮ ਨੂੰ ਜਾਰੀ ਨਹੀਂ ਰੱਖ ਸਕਦੇ ਤਾਂ ਆਮਦਨ ਦਾ ਹੋਰ ਸਰੋਤ ਲੱਭਣਾ ਇੱਕ ਹੋਰ ਵੀ ਵੱਡੀ ਤਬਦੀਲੀ ਹੋ ਸਕਦੀ ਹੈ।

ਜਦੋਂ ਕਿਸੇ ਲੰਬੀ ਬਿਮਾਰੀ ਨਾਲ ਜੀ ਰਹੇ ਹੋ, ਤਾਂ ਤੁਹਾਡੀ ਤਣਾਅ ਸਹਿਣ ਦੀ ਸਮਰੱਥਾ ਘੱਟ ਹੋ ਸਕਦੀ ਹੈ ਅਤੇ ਤੁਹਾਡੇ ਜਜ਼ਬਾਤ ਜਲਦੀ ਸਤ੍ਹਾ 'ਤੇ ਆ ਸਕਦੇ ਹਨ। ਇਹ ਵਿਸ਼ੇਸ਼ ਤੌਰ 'ਤੇ ਤਣਾਅਪੂਰਨ ਹੋ ਸਕਦਾ ਹੈ ਜਦੋਂ ਤੁਹਾਡੇ ਪਰਿਵਾਰ ਅਤੇ ਦੋਸਤਾਂ ਦੀਆਂ ਉਮੀਦਾਂ ਤੁਹਾਡੀਆਂ ਯੋਗਤਾਵਾਂ, ਊਰਜਾ ਦੇ ਪੱਧਰਾਂ ਅਤੇ/ਜਾਂ ਸਹਿਣਸ਼ੀਲਤਾ ਦੇ ਅਨੁਸਾਰ ਨਾ ਹੋਣ। ਹੇਠਾਂ ਦਿੱਤੀਆਂ ਰਣਨੀਤੀਆਂ ਤੁਹਾਡੇ ਜੀਵਨ ਵਿੱਚ ਰਿਸ਼ਤਿਆਂ ਨੂੰ ਸੰਭਾਲਣ ਵਿੱਚ ਤੁਹਾਡੀ ਮਦਦ ਕਰ ਸਕਦੀਆਂ ਹਨ।

ਕਦੇ-ਕਦਾਈ ਗੰਭੀਰ ਦਰਦ ਨਾਲ ਜਿਉਣ ਕਾਰਣ ਸਾਡੇ ‘ਤੇ ਅਜਿਹਾ ਮਾਨਜਸਕ ਬੋਝ ਪੈ ਸਕਦਾ ਹੈ ਿੋ ਸਹਾਰਨਾ ਕਾਫ਼ੀ ਔਖਾ ਹੋ ਸਕਦਾ ਹੈ। ਦਰਦ ਕਰਕੇ ਜਸਰਫ਼ ਤੁਹਾਡੇ ਸਰੀਰ ਤੇ ਨਹੀਂ ਕਜਹਰ ਵਾਪਰਦਾ ਬਲਜਕ ਦਰਦ ਨ ੰ ਰੋਕਣ ਦਾ ਤਰੀਕਾ ਲੱਭ-ਲੱਭ ਕੇ ਤੁਹਾਡੇ ਮਨ ਤੇ ਵੀ ਮਾਨਜਸਕ ਪੀੜਾ ਮਜਹਸ ਸ ਹੋ ਸਕਦਾ ਹੈ। ਮਾਈਡਫੁਲਨੈਸ ਹੀ ਇੱਕ ਅਜਿਹਾ ਸਾਧਨ ਹੈ ਜਿਸਦੀ ਵਰਤੋਂ ਅਸੀਂ ਆਪਣੇ ਮਨ ਨ ੰ ਸੰਤੁਜਲਤ ਅਤੇ ਤੰਦਰੁਸਤ ਰੱਖਣ ਲਈ ਵਰਤ ਸਕਦੇ ਹਾਂ। 

ਮਾਨਸਿਕ ਤਣਾਅ ਦੀ ਸਥਿਤੀ ਉਦੋਂ ਬਣਦੀ ਹੈ ਜਦੋਂ ਤੁਹਾਡੇ ਦਿਮਾਗ ਅਤੇ ਸਰੀਰ ਕਿਸੇ ਵਿਸ਼ੇਸ਼ ਖਤਰੇ ਨੂੰ ਮਹਿਸੂਸ ਕਰਦੇ ਹਨ। ਇਸ ਤਣਾਅ ਨੂੰ ਇੱਕ ਕੁਦਰਤੀ ਪ੍ਰਕਿਰਿਆ ਵਜੋਂ ਸਮਝਣ ਨਾਲ ਤਣਾਅਪੂਰਨ ਹਲਾਤਾਂ ਨਾਲ ਨਜਿੱਠਣ ਦੀ ਤੁਹਾਡੀ ਕਾਫੀ ਮਦਦ ਹੋ ਸਕਦੀ ਹੈ।

ਜੇ ਤੁਸੀਂ ਉਨ੍ਹਾਂ ਹਲਾਤਾਂ ਨੂੰ ਪਛਾਨਣਾ ਸਿੱਖਦੇ ਹੋ ਜੋ ਤੁਹਾਡੇ ਅੰਦਰ ਮਾਨਸਿਕ ਤਣਾਅ ਪੈਦਾ ਕਰਦੀਆਂ ਹਨ ਤਾ ਤੁਸੀਂ ਇਸ ਗੱਲ ਵੱਲ ਧਿਆਨ ਦੇ ਕੇ ਸਮਝ ਸਕਦੇ ਹੋ ਕਿ ਤਣਾਅਪੂਰਨ ਹਲਾਤਾਂ ਵੇਲੇ ਤੁਹਾਡੇ ਦਿਮਾਗ ਅਤੇ ਸਰੀਰ ਕਿਹੋ ਜਿਹੀ ਪ੍ਰਤੀਕਰਮ ਦਿੰਦੇ ਹਨ। ਇਸ ਸਾਰੀ ਪ੍ਰਕਿਰਿਆ ਨੂੰ ਚੰਗੀ ਤਰ੍ਹਾਂ ਸਮਝਣ ਨਾਲ ਤਣਾਅਪੂਰਨ ਹਲਾਤਾਂ ਨਾਲ ਨਜਿੱਠਣ ਲਈ ਉਸਾਰੂ ਅਤੇ ਅਸਰਦਾਇਕ ਤਰੀਕੇ ਪੈਦਾ ਕਰ ਸਕਦੇ ਹੋ।

ਲੰਬੇ ਸਮੇਂ ਦੇ ਦਰਦ ਦੇ ਨਾਲ ਜਿਉਣ ਵੇਲੇ ਆਪਣੀ ਰਿਜ਼ਿਲੀਐਂਸ ਨੂੰ ਬਣਾਈ ਰੱਖਣਾ ਇੱਕ ਅਹਿਮ ਗੁਣ ਹੈ। ਰਿਜ਼ਿਲੀਐਂਸ ਸਾਨੂੰ ਕਿਸੇ ਮੁਸੀਬਤ ਆਉਣ ‘ਤੇ ਇਸਦਾ ਸਾਹਮਣਾ ਕਰਨ ਲਈ ਆਪਣੇ ਵਿਹਾਰ ਨੂੰ ਇਸਦੇ ਅਨੁਸਾਰ ਢਾਲਣ ਦਾ ਇੱਕ ਤਰੀਕਾ ਹੈ। ਰਿਜ਼ਿਲੀਐਂਸ ਬਾਰੇ ਸਭ ਤੋਂ ਵਧੀਆ ਗੱਲ ਇਹ ਹੈ ਕਿ ਇਸਨੂੰ ਆਪਣੇ ਜੀਵਨ ਤੇ ਲਾਗੂ ਕਰਨ ਬਾਰੇ ਸਿੱਖ ਸਕਦੇ ਹਾਂ। ਜਦੋਂ ਅਸੀਂ ਆਪਣੀਆਂ ਮੁਸੀਬਤਾਂ ਤੇ ਕਾਬੂ ਪਾਉਣਾ ਸਿੱਖ ਜਾਂਦੇ ਹਾਂ ਤਾਂ ਅਸੀਂ ਮੁਸੀਬਤਾਂ ਦਾ ਸਾਹਮਣਾ ਕਰਨ ਲਈ ਇਸਦੇ ਹੋਰ ਵੀ ਜ਼ਿਆਦਾ ਅਨੁਕੂਲ ਬਣ ਜਾਂਦੇ ਹਾਂ ਅਤੇ ਇਸਦੇ ਨਤੀਜਿਆਂ ‘ਤੇ ਸਵੈ-ਪੜਚੋਲ ਵੀ ਕਰ ਸਕਦੇ ਹਾਂ। ਇਸ ਨੂੰ “ਪੋਸਟ-ਟ੍ਰੌਮੈਟਿਕ ਗ੍ਰੋਥ” ਭਾਵ ‘ਸਦਮੇ ਤੋਂ ਬਾਅਦ’ ਹੋਣ ਵਾਲੇ ਚੰਗੇ ਨਤੀਜੇ ਵੀ ਕਿਹਾ ਜਾਂਦਾ ਹੈ।

ਲਕੜੀ ਯੋਜਨਾ ਸਾਡੇ ਨੂੰ ਆਪਣੇ ਦਰਦ ਦੇ ਪ੍ਰਬੰਧਨ ਵਿੱਚ ਆਪਣੇ ਆਪ ਨੂੰ ਜਵਾਬਦੇਹ ਰੱਖਣ ਵਿੱਚ ਮਦਦ ਕਰ ਸਕਦੀ ਹੈ, ਅਤੇ ਆਪਣੇ ਮੁੱਲਾਂ 'ਤੇ ਵਿਚਾਰ ਕਰਨਾ ਸਾਨੂੰ ਇਹ ਲਕੜੀਆਂ ਬਣਾਉਣ ਵਿੱਚ ਅਤੇ ਜਦੋਂ ਚੀਜ਼ਾਂ ਔਖੀਆਂ ਹੋਵੀਆਂ ਤਾਂ ਸਾਨੂੰ ਪ੍ਰੇਰਿਤ ਕਰਨ ਵਿੱਚ ਮਦਦ ਕਰ ਸਕਦਾ ਹੈ। ਇਰਾਦਾ ਸੈੱਟਿੰਗ ਰਾਹੀਂ, ਅਸੀਂ ਆਪਣੇ ਰੋਜ਼ਾਨਾ ਦੇ ਕੰਮਾਂ ਦਾ ਆਪਣੇ ਲਕੜੀਆਂ 'ਤੇ ਕਿਵੇਂ ਪ੍ਰਭਾਵ ਪੈਂਦਾ ਹੈ, ਇਸ ਉੱਤੇ ਵਿਚਾਰ ਕਰ ਸਕਦੇ ਹਾਂ।

ਮਨੁੱਖ ਇੱਕ ਸਮਾਜਿਕ ਪ੍ਰਜਾਤੀ ਹੈ। ਸਮਾਜਿਕ ਤਾਲਮੇਲ ਅਤੇ ਰਿਸ਼ਤੇ ਸਾਡੀ ਸਿਹਤ ਲਈ ਇੱਕ ਜ਼ਰੂਰੀ ਅੰਗ ਹਨ। ਸਮਾਜਿਕ ਸਹਾਇਤਾ ਦਾ ਮਤਲਬ ਇਹੀ ਹੈ ਕਿ ਤੁਹਾਡੇ ਜੀਵਨ ਵਿੱਚ ਉਹਨਾਂ ਲੋਕਾਂ ਨਾਲ ਰਾਬਤਾ ਬਰਕਰਾਰ ਰਹਿਣਾ ਜਿਨ੍ਹਾਂ ਤੋਂ ਤੁਸੀਂ ਮੁਸ਼ਕਿਲ ਹਾਲਾਤਾਂ ਵੇਲੇ ਸਹਾਰੇ ਦੀ ਆਸ ਰੱਖ ਸਕਦੇ ਹੋ।

ਸਰੀਰਕ ਹਿਲਜੁਲ ਅਤੇ ਕਸਰਤ ਦਰਦ ਨਾਲ ਜੂਝ ਰਹੇ ਲੋਕਾਂ ਲਈ ਦਵਾਈ ਦਾ ਵੀ ਕੰਮ ਕਰ ਸਕਦੀਆਂ ਹਨ। ਪਰ ਦਵਾਈ ਦੀ ਤਰ੍ਹਾਂ ਤੁਹਾਨੂੰ ਤੁਹਾਡੇ ਲਈ ਕੰਮ ਕਰਨ ਵਾਲੀ ਕਿਸੇ ਢੁੱਕਵੀਂ ਅਤੇ ਅਸਰਦਾਰ ਕਸਰਤ ਨੂੰ ਲੱਭਣ ਵਿੱਚ ਕੁੱਝ ਸਮਾਂ ਜਰੂਰ ਲੱਗ ਸਕਦਾ ਹੈ। ਇਸੇ ਤਰੀਕੇ ਨਾਲ ਇੱਥੇ ਧਿਆਨ ਦੇਣ ਵਾਲੀ ਗੱਲ ਇਹ ਵੀ ਹੈ ਕਿ ਜਦੋਂ ਤੁਸੀਂ ਕਿਸੇ ਕਸਰਤ ਨੂੰ ਇਲਾਜ ਦੇ ਤੌਰ ‘ਤੇ ਕਰਦੇ ਹੋ ਤਾਂ ਤੁਸੀਂ ਇਸ ਕਸਰਤ ਨੂੰ ਇੱਕ ਪੂਰੇ ਦਿਨ ਵਿੱਚ ਕਿੰਨੀ ਵਾਰ ਕੀਤਾ ਹੈ ਅਤੇ ਇਸਨੂੰ ਕਰਨ ਵਿੱਚ ਤੁਹਾਨੂੰ ਕਿਨ੍ਹਾਂ ਸਮਾਂ ਲੱਗਿਆ ਹੈ। ਤੁਸੀਂ ਇਹ ਕੋਸ਼ਿਸ਼ ਕਰੋ ਕਿ ਹਰ ਰੋਜ਼ ਇੱਕੋ ਜਿਹੀਆਂ ਕਸਰਤਾਂ ਕਰਨ ਦੀ ਬਜਾਏ ਅਲੱਗ-ਅਲੱਗ ਤਰੀਕੇ ਦੀਆਂ ਕਸਰਤਾਂ ਨੂੰ ਅਜ਼ਮਾਉ ।

ਜਦੋਂ ਅਸੀਂ ਦੂਸਰਿਆਂ ਲਈ ਹਮਦਰਦੀ ਦਿਖਾਉਣ ਲੱਗ ਜਾਂਦੇ ਹਾਂ ਤਾਂ ਸਾਨੂੰ ਸਮਝ ਪੈਂਦੀ ਹੈ ਕਿ ਉਹ ਕਿਸ ਤਰ੍ਹਾਂ ਦੇ ਦੁੱਖ-ਦਰਦ ਸਹਿ ਰਹੇ ਹਨ। ਜਦੋਂ ਤੁਸੀਂ ਉਹਨਾਂ ਦੇ ਦਰਦ ਨੂੰ ਦੇਖਦੇ ਹੋ ਜਾਂ ਉਸ ਵੱਲ ਧਿਆਨ ਦਿੰਦੇ ਹੋ ਤਾਂ ਤੁਸੀਂ ਕਿਸੇ ਤਰੀਕੇ ਨਾਲ ਉਨ੍ਹਾਂ ਨੂੰ ਨਿੱਘ ਦਾ ਅਹਿਸਾਸ ਅਤੇ ਦੇਖਭਾਲ ਜਾਂ ਮਦਦ ਕਰਨ ਬਾਰੇ ਸੋਚ ਸਕਦੇ ਹਾਂ। ਇਸੇ ਤਰ੍ਹਾਂ ਸਵੈ-ਦਇਆ ਦਾ ਅਰਥ ਇਹੀ ਹੈ ਕਿ ਤੁਹਾਡੇ ਆਵਦੇ ਦੁੱਖ ਨੂੰ ਦੇਖ ਕੇ ਇਹ ਪਛਾਨਣਾ ਅਤੇ ਮੰਨਣਾ ਕਿ ਇਹ ਤੁਹਾਡੇ ਲਈ ਇੱਕ ਕਠਿਨ ਸਮਾਂ ਹੈ।

ਸਵੈ-ਵਕਾਲਤ ਆਪਣੀਆਂ ਜਰੂਰਤਾਂ ਲਈ ਅਵਾਜ਼ ਉਠਾਉਣ ਦਾ ਤਰੀਕਾ ਹੈ। ਇਹ ਗੰਭੀਰ ਦਰਦ ਤੋਂ ਪੀੜ੍ਹਤ ਲੋਕਾਂ ਲਈ ਅਹਿਮੀਅਤ ਇਸ ਕਰਕੇ ਰੱਖਦਾ ਹੈ ਕਿਉਂਕਿ ਦਰਦ ਅਕਸਰ ਇੱਕ ਅਦਿੱਖ ਬਿਮਾਰੀ ਹੈ ਜਿਸ ਦੇ ਕਾਰਨ ਦੂਸਰੇ ਲੋਕਾਂ ਨੂੰ ਆਪਣੇ ਆਪ ਨਹੀਂ ਪਤਾ ਲੱਗਦਾ ਕਿ ਉਹ ਤੁਹਾਡੀ ਕਿਸ ਤਰ੍ਹਾਂ ਅਤੇ ਕਦੋਂ ਮਦਦ ਕਰਨ। ਇਸ ਕਰਕੇ ਗੰਭੀਰ ਦਰਦ ਦੇ ਪੀੜ੍ਹਤਾਂ ਲਈ ਆਪਣੀ ਆਵਦੀ ਵਕਾਲਤ ਕਰਨੀ ਬਹੁਤ ਹੀ ਮਹੱਤਵਪੂਰਨ ਨੁਕਤਾ ਹੈ।

ਦਰਦ ਨੂੰ ਘਟਾਉਣ ਦੇ ਸੰਬੰਧ ਵਿੱਚ ਸਹਿਯੋਗੀ ਇਲਾਜ ਦੇ ਤਰੀਕੇ ਵੀ ਮਦਦ ਕਰ ਸਕਦੇ ਹਨ। ਇਹਨਾਂ ਵਿੱਚੋਂ ਕੁਝ ਥੈਰੇਪੀਆਂ ਜੋ ਸੋਜਿਸ਼ ਨੂੰ ਘਟਾ ਸਕਦੀਆਂ ਹਨ, ਦਰਦ ਦੇ ਕਾਰਨ ਮਾਸਪੇਸ਼ੀਆਂ ਦੇ ਤਣਾਅ ਨੂੰ ਘਟਾ ਸਕਦੀਆਂ ਹਨ, ਜਾਂ ਪੂਰੀ ਤਰ੍ਹਾਂ ਨਾਲ ਆਰਾਮ ਕਰਨ ਦੇ ਸਹਾਈ ਹੋ ਸਕਦੀਆਂ ਹਨ। ਦੂਸਰਾ ਤੁਹਾਡੇ ਸਰੀਰ ਦੇ ਰਸਾਇਣਾਂ ਨੂੰ ਕਿਰਿਆਸ਼ੀਲ ਕਰਨ ਵਿੱਚ ਮਦਦ ਕਰ ਸਕਦੇ ਹਨ ਜੋ ਦਰਦ ਦੀਆਂ ਦਵਾਈਆਂ ਅਤੇ ਹੋਰ ਡਾਕਟਰੀ ਇਲਾਜਾਂ ਦੇ ਚੰਗੇ ਪ੍ਰਭਾਵਾਂ ਨੂੰ ਵਧਾਉਂਦੇ ਹਨ। ਤੁਸੀਂ " ਸਹਿਯੋਗੀ (ਕੰਪਲਿਮੈਂਟਰੀ) ਥੈਰੇਪੀ" ਅਤੇ " ਅਲਟੱਰਨਿਟੇਵ (ਵਿਕਲਪਕ) ਥੈਰੇਪੀ" ਸੁਣੇ ਹੋਣਗੇ ਜੋ ਲੱਗਭਗ ਇੱਕੋ ਚੀਜ਼ ਲਈ ਵਰਤੇ ਜਾਂਦੇ ਹਨ। ਇਨ੍ਹਾਂ ਦੋਹਾਂ ਨੂੰ "ਕੰਪਲਿਮੈਂਟਰੀ ਅਤੇ ਅਲਟੱਰਨਿਟੇਵ ਮੈਡਿਸਿੰਨ" (CAMs) ਵਿੱਚ ਜੋੜਿਆ ਜਾ ਸਕਦਾ ਹੈ। ਹਾਲਾਂਕਿ, ਇਨ੍ਹਾਂ ਦੋਨਾਂ ਵਿੱਚ ਇੱਕ ਖਾਸ ਅੰਤਰ ਹੈ:

• ਇੱਕ ਸਹਿਯੋਗੀ (ਕੰਪਲਿਮੈਂਟਰੀ) ਥੈਰੇਪੀ ਅਕਸਰ ਆਮ ਡਾਕਟਰੀ ਇਲਾਜ ਦੇ ਨਾਲ ਵਰਤੀ ਜਾਂਦੀ ਹੈ।
• ਇੱਕ ਵਿਕਲਪਕ (ਅਲਟੱਰਨਿਟੇਵ) ਥੈਰੇਪੀ ਦੀ ਵਰਤੋਂ ਆਮ ਤੌਰ 'ਤੇ ਮਿਆਰੀ ਡਾਕਟਰੀ ਇਲਾਜ ਦੇ ਬਦਲ ਵਜੋਂ ਕੀਤੀ ਜਾਂਦੀ ਹੈ।

ਗੰਭੀਰ ਦਰਦ ਦੇ ਨਾਲ ਜੂਝਣ ਵਿੱਚ ਅਕਸਰ ਕਈ ਸਿਹਤ ਸੰਭਾਲ ਮਾਹਿਰਾਂ ਨਾਲ ਤਾਲਮੇਲ ਬਣਾਉਣਾ ਸ਼ਾਮਿਲ ਹੁੰਦਾ ਹੈ। ਕਈ ਵਾਰ ਤੁਹਾਡੇ ਨਾਲ ਸਕਾਰਾਤਮਕ ਤਰੀਕੇ ਨਾਲ ਗੱਲਬਾਤ ਕਰਨਗੇ ਅਤੇ ਹੋਰ ਸਮੇਂ ਤੁਹਾਡੇ ਆਪਸ ਵਿੱਚ ਮਤਭੇਦ ਵੱਧ ਸਕਦੇ ਹਨ ਅਤੇ ਤੁਹਾਡੇ ਦੋਹਾਂ ਦੇ ਵੱਖ-ਵੱਖ ਨਿਸ਼ਾਨੇ ਬਣ ਸਕਦੇ ਹਨ। ਇਹ ਸਥਿਤੀ ਉਦੋਂ ਹੋਰ ਵੀ ਔਖੀ ਹੋ ਜਾਂਦੀ ਹੈ ਜਦੋਂ ਤੁਸੀਂ ਇੱਕ ਦੂਜੇ ਦੀ ਭਾਸ਼ਾ ਨਹੀਂ ਸਮਝਦੇ ਅਤੇ ਇੱਕ ਦੁਭਾਸ਼ੀਏ (ਪੇਸ਼ੇਵਰ ਜਾਂ ਦੋਸਤ/ਪਰਿਵਾਰਕ ਮੈਂਬਰ) ਦੀ ਵਰਤੋਂ ਕਰਦੇ ਹੋ। ਤੁਹਾਡੇ ਸਿਹਤ ਸੰਭਾਲ ਮਾਹਿਰ ਨੂੰ ਇਲਾਜ ਬਾਰੇ ਕੋਈ ਰਾਏ ਜਾਂ ਫੈਸਲੇ ਲੈਣ ਵੇਲੇ ਤੁਹਾਡੇ ਅਤੇ ਤੁਹਾਡੇ ਪਰਿਵਾਰ ਨਾਲ ਚੰਗੀ ਤਰ੍ਹਾਂ ਸਹਿਯੋਗ ਕਰਨ ਦੀ ਲੋੜ ਹੋਵੇਗੀ। ਆਪਣੇ ਸਿਹਤ ਸੰਭਾਲ ਦੇ ਮਾਹਿਰ ਨਾਲ ਸੁਚੱਜੇ ਤਰੀਕੇ ਨਾਲ ਗੱਲਬਾਤ ਕਰਨ ਦੇ ਤਰੀਕੇ ਨੂੰ ਚੰਗੀ ਤਰ੍ਹਾਂ ਸਮਝਣ ਨਾਲ ਤੁਹਾਡੀ ਵਧੀਆ ਦੇਖਭਾਲ ਹੋ ਸਕੇਗੀ। ਇਸ ਸੰਦਰਭ ਦੇ ਵਿੱਚ ਮੁਲਾਕਾਤਾਂ ਦੌਰਾਨ ਤੁਹਾਡੇ ਜਾਂ ਕਿਸੇ ਪਰਿਵਾਰਕ ਮੈਂਬਰਾਂ ਲਈ ਕੁੱਝ ਨੀਤੀਆਂ ਲਾਹੇਵੰਦ ਹੋ ਸਕਦੀਆਂ ਹਨ।

ਕਿਸੇ ਦੇ ਵਿਛੋੜੇ ਦੇ ਦੁੱਖ ਕਰਕੇ ਸੋਗ ਮਹਿਸੂਸ ਹੋਣਾ ਇੱਕ ਆਮ ਪ੍ਰਤੀਕਿਰਿਆ ਹੈ। ਗੰਭੀਰ ਦਰਦ ਦੇ ਕਰਕੇ ਤੁਹਾਡੀ ਆਪਣੀ ਜਿੰਦਗੀ ਵਿੱਚ ਆਏ ਨਿਘਾਰ ਕਾਰਣ ਆਪਣੀ ਪੁਰਾਣੀ ਜਿੰਦਗੀ ਨੂੰ ਯਾਦ ਕਰਦਿਆਂ ਵੀ ਸੋਗ ਮਹਿਸੂਸ ਹੋਣਾ ਸੁਭਾਵਿਕ ਹੈ। ਦਰਦ ਨਾਲ ਜਿਉਣ ਕਾਰਨ ਤੁਹਾਨੂੰ ਵੀ ਮਹਿਸੂਸ ਹੋ ਸਕਦਾ ਹੈ ਕਿ ਤੁਸੀਂ ਆਪਣੀ ਪਛਾਣ ਗੁਆ ਚੁੱਕੇ ਹੋ ਅਤੇ ਇਸ ਕਰਕੇ ਤੁਹਾਡਾ ਰਹਿਣ-ਸਹਿਣ ਦਾ ਤਰੀਕਾ, ਕੰਮ ਕਰਨ ਦੀ ਕਬੀਲਿਅਤ ਜਾਂ ਤੁਹਾਡੇ ਰਿਸ਼ਤਿਆਂ ਵਿੱਚ ਵੀ ਨਿਘਾਰ ਆਇਆ ਹੈ। ਨਤੀਜੇ ਵਜੋਂ ਅਚਾਨਕ ਨਾਲ ਕੁੱਝ ਭਾਵਨਾਵਾਂ ਵੀ ਉੱਭਰ ਸਕਦੀਆਂ ਹਨ ਜਿਵੇਂ ਕਿ ਸਦਮਾ, ਗੁੱਸਾ, ਅਤੇ ਉਦਾਸੀ ਜੋ ਤੁਹਾਡੀ ਦਰਦ ਨਾਲ ਨਜਿੱਠਣ ਦੀ ਸਮਰੱਥਾ ਵਿੱਚ ਵਿਘਨ ਪਾ ਸਕਦੀਆਂ ਹਨ। ਸੋਗ ਮਨਾਉਣ ਦਾ ਕੋਈ ਸਹੀ ਜਾਂ ਗਲਤ ਤਰੀਕਾ ਨਹੀਂ ਹੈ।

“ਪੇਸਿੰਗ” (Pacingਉਹ ਕਿਰਿਆ ਹੈ ਜਦੋਂ ਆਪਣੇ ਸਰੀਰ ਦੀ ਊਰਜਾ ਅਤੇ ਸ਼ਕਤੀ ਦੇ ਹਿਸਾਬ ਨਾਲ ਹੀ ਗਤੀਵਿਧੀਆਂ ਕੀਤੀਆਂ ਜਾਂਦੀਆਂ ਹਨ ਭਾਵ ਹੱਦ ਤੋਂ ਜਿਆਦਾ ਤੇਜ਼ੀ ਜਾਂ ਜ਼ੋਰ ਨਾਲ ਕੁੱਝ ਕਰਨ ਦਾ ਦੰਕੋਚ ਕਰਕੇ ਸਹਿਜ ਨਾਲ ਕਰਨਾ। “ਪੇਸਿੰਗ” ਉਹਨਾਂ ਗਤੀਵਿਧੀਆਂ ਨੂੰ ਰੋਕਣ ਦਾ ਬਹਾਨਾ ਜਾਂ ਸਲਾਹ ਨਹੀਂ ਜਿਹਨਾਂ ਨੂੰ ਤੁਸੀਂ ਖੁੱਸ਼ੀ ਅਤੇ ਚਾਹ ਦੇ ਨਾਲ ਕਰਦੇ ਹੋ ਬਲਕਿ ਇਹ ਸਿੱਖਣ ਦਾ ਤਰੀਕਾ ਹੈ ਕਿ ਤੁਸੀਂ ਓਸ ਗਤੀਵਿਧੀ ਨੂੰ ਕਿੰਨੇ ਚਿਰ ਲਈ ਜਾਂ ਕਿੰਨੇ ਜ਼ੋਰ ਨਾਲ ਬਿਨਾ ਦਰਦ ਹੁੰਦਿਆਂ ਤੋਂ ਕਰ ਸਕਦੇ ਹੋ। ਕਿਸੇ ਹੱਦ ਤਕ, ਸਮੇਂ ਦੇ ਨਾਲ-ਨਾਲ, “ਪੇਸਿੰਗ” ਤੁਹਾਨੂੰ ਇਹ ਪਤਾ ਲਗਾਉਣ ਵਿੱਚ ਮਦਦ ਕਰੇਗਾ ਕਿ ਦਰਦ ਦੇ ਵਧਣ ਤੋਂ ਪਹਿਲਾਂ ਤੁਹਾਡਾ ਸਰੀਰ ਕਿੰਨਾ ਕੁੱਝ ਕਰ ਸਕਦਾ ਹੈ। ਗਤੀਵਿਧੀਆਂ ਨੂੰ ਕਿਹੜੇ ਤਰੀਕੇ ਨਾਲ ਅਤੇ ਕਿਵੇਂ ਕਰਨ ਬਾਰੇ ਸਿੱਖਣ ਦੇ ਲਈ ਸਮਾਂ ਲੱਗਦਾ ਹੈ ਅਤੇ ਜਦੋਂ ਅਸੀਂ ਆਪਣੀਆਂ ਹੱਦਾਂ ਨੂੰ ਸੰਮਝਣ ਦੀ ਕੋਸ਼ਿਸ਼ ਕਰਦੇ ਹਾਂ ਤਾਂ ਦਰਦ ਦਾ ਭਿਆਨਕ ਰੂਪ (ਫਲੇਰ ਅੱਪ) ਵੀ ਦੇਖਣ ਨੂੰ ਕਦੇ ਕਦਾਈਂ ਮਿਲ ਸਕਦਾ ਹੈ।

“ਸਟਿੱਗਮਾ” ਜਾਂ ਵਿਤਕਰਾਬਾਜ਼ੀ ਉਦੋਂ ਹੁੰਦੀ ਹੈ ਜਦੋਂ ਕਿਸੇ ਨਾਲ ਉਸ ਦੇ ਸੱਭਿਆਚਾਰ, ਲੰਿਗ, ਨਸਲ, ਆਰਥਕ ਜਾਂ ਸਮਾਜਕ ਰੁਤਬਾ, ਜਾਂ ਹੋਰ ਕਿਸੇ ਪਹਿਲੂ ਦੇ ਆਧਾਰ ‘ਤੇ ਵਿਤਕਰਾ ਭਰੇ ਵਤੀਰਾ ਜਾਂ ਦੁਰਵਿਵਹਾਰ ਕੀਤਾ ਜਾਂਦਾ ਹੈ। ਗੰਭੀਰ ਦਰਦ ਤੋਂ ਪੀੜਤ ਲੋਕ ਪਰਿਵਾਰ, ਦੋਸਤਾਂ, ਅਤੇ ਕਈ ਹੋਰਾਂ ਤੋਂ ਵਿਤਕਰੇਬਾਜ਼ੀ ਦਾ ਅਨੁਭਵ ਕਰਦੇ ਹਨ। ਇਨ੍ਹਾਂ ਹਲਾਤਾਂ ਦਾ ਸਾਹਮਣਾ ਕਰਦਿਆਂ ਸਭ ਤੋਂ ਵੱਧ ਮੁਸ਼ਕਿਲ ਉਦੋਂ ਹੋ ਸਕਦੀ ਹੈ ਜਦੋਂ ਸਹਿਤ ਸੰਭਾਲ ਮਾਹਰ ਵੀ ਇਸ ਵਿਤਕਰੇਬਾਜ਼ੀ ਵਿੱਚ ਸ਼ਾਮਲ ਹੁੰਦੇ ਹਨ।